वजिरखेडे हे गाव मालोगाव तालुक्यापासून ३ कि.मी. उतरलेले मोसम नदीकिनारी वसलेले आहे. गावाचा मुख्य व्यवसाय शेती हा आहे. वजिरखेडे गावाला सुसज्ज ग्रामपंचायत कार्यालय आहे. सन १९६६ मध्ये ग्रामपंचायतीची स्थापना झालेली आहे. सन २०११ च्या जनगणनेनुसार गावाची एकूण लोकसंख्या ३४४९ आहे. गावात प्राचीन असे स्वयंभू कलेश्वर महादेव मंदिर, श्रीराम मंदिर, संत शिरोमणी सावता महाराज मंदिर, ग्रामदैवत म्हाळोबा महाराज मंदिर, दत्त मंदिर अशी प्राचीन मंदिरे आहेत. गावाला लागून असलेल्या मोसम नदीवर वज्र नावाचा डोह आहे. यावरून गावाला वजिरखेडे असे नाव पडले अशी मान्यता आहे. त्या अपभ्रंश होऊन वजिरखेडे असे नाव आज प्रचलित आहे. गावातील तरुण मोठ्या प्रमाणात सैन्यात तसेच शासकीय सेवेत सर्व उच्च पदांवर कार्यरत आहेत. याचा गावाला अभिमान आहे. शैक्षणिक, सामाजिक, राजकीय क्षेत्रात देखील गाव अग्रसर आहे.